升學

行業行情 / 校園職場笑林

就業

行業行情 / 校園職場笑林
等vs唔等?教你3個準則

面試等待時間冗長係網上熱門話題,如果去到現場等極都無得In,你可以從三大準則考慮應否閃人。

 

1. 考慮Offer「份量」
考慮等抑或唔等,很多人會從人工去考慮。不過這只是其中一項因素,皆因份工若你只係勉強Apply,即使獲聘,可能你捱半年又閃人。所以處理「等 vs 唔等」抉擇,第一項原則係還原基本步,衡量一下這個Offer在你心目中的「份量」。

 

所謂「份量」,除了係人工能否達標,你亦要評估這份工涉及的工種、行業有多大的發展空間,特別是現在經濟出現暗湧,就更要想一想這行業在經濟寒冬的抗跌力。至於很多人會強調的興趣,現實情況是香港貴為金融城市,穩陣的工一般都較悶,有趣的工就大都唔穩陣,權衡輕重之下,一份唔算悶死人的工作,其實都可以花些少時間去In了。

 

2. 評估面試程序
第二項準則係評估面試程序,熱門工作如政府工或大機構筍工,應徵者過百人是等閒事,面試又可能加插筆試或心理測驗之類的環節,所花的時間必定加倍,這類情況等完又等就很合理。

 

不過聽得最多激嬲應徵者的情況,係中小企包括你在內,只有二至三位應徵者,但等完又等,都像望夫石般等待負責面試的高層或老闆回來主持面試大典。

 

導致此情況,既可能係老闆及高層一身兼多職,對上一項工作或會議超時,全日日程就大混亂。不過近年聽得更多的真相,係老闆及高層本身時間觀念差,早已習慣不按日程行事,並抱著來得見工就預咗等的心態,於是任由應徵者無止境的等。要洞悉負責人是否屬於後者,最有效的方法係觀察方排面試的員工,如果對方明顯擺出一副習以為常的表情,你便知道這份工有伏了。

 

3. 等待地點
即使你判斷值得等,還有一項準則足以促使你起身走人,便是等待的地點。一般而言,大機構都會招呼應徵者到會議室或接待處等待。但亦聽聞有個案,因為安排面試的人本身忌才,又或高層、老闆覺得要磨練一下應徵者的鬥志,刻意安排應徵者坐在人來人往的通道,甚至坐在影印機旁邊。而坐在影印機旁邊就最嚴重,皆因要自己吸足半日碳粉塵實在無謂,既然暫時市場上仍不乏機會,就應該起身走人吧。

 

圖片及資料來源:cpjobs